Afhayeynku, sida uu sheegay beryihii la soo  dhaafay aad ayaa loogu mashquulsanay  helitaanka hannaanka (process-ka) dhoofinta marxuumka, balse waa Alle mahaddiise waa lagu guuleystey howl-shaas adkey (tough Process),  ka gadaal markii Mas'uuliyiin iyo shaqsiyaad  Soomaliyeed  u galaan guluf hagar la'aaneed.
 
 mas'uuliyiinta iyo shaqsiyaadka dadaalka dheeraadka ah muujiyay  aad ayay u badan yihiin , waxaase ugu cad cadey Md. Ali Barakaad, Md. Ahmeddey Haji Koogaar, Md. Mohamed Hassan Nurow ( Abdulle),  Khalif Dhegadheere,
Md Ali Isse, Md Ali Hadaafow,  Marwo Wiilo Ghedi Suubiye, Dayib Mohamoud Sheikh,  Prof. Mohamed Ali Abuker iyo Danjiraha   Soomaliya u fadhiya Qaramada Midoobey Dr. Elmi Dualeh iyo qaar kale, sidaas awgeed insha'allaahi  ugu danbeys waxaa  meydka loo duulin doonaa wadankii hooyo ee Soomaliya Jimco December 12th, 2008, iyadoo meydka lamarin  doono  jidka ( route-ka) ah Phoenix, Atlanta Georgia iyo Dubai oo  meydku in muddo ah lagu sii hakin doono.
 
 Aaraboorka ( Dubai airport) ee wadanka U. A. E. waxaa meydka ku sugaaya Jaaliyada Soomaliyeed, ganacsatada Soomaliyeed ee ku dhaqan wadankaas oo uu horkacaayo Eng. Abdulqadir Haji Ali Gab iyo Qunsuliyada Soomaalidu ku leedahay U. A. E.
 
Jaaliyada Soomaliyeed ee ku nool wadanka U.A. E. waxay meydka usii gudbin-doontaa wadankii hooyo, gaar ahaan caasimada Soomaliya ee Muqdishu, meydka murxuum Caaqil Koogaar waxaa Aaraboorka Aaden Cadde ee Muqdishu  ( Aden Adde Muqdishu Airport) ku sugaaya guddi heer qaran ah oo loo  magacaabey aaska marxuum halyey Caaqil Koogaar oo ahay aabihii nabada.
 
Afhayeynku, wuxuu intaas raaciyay in Marxuumka lagu aasi-doono, hoy diimeedka xeebta Warsheekh oo ka tirsan gobalka Shabeellaha Dhexe ee Jowhar, halkaas oo ay ku aasan yihiin mashaayiiq waa weyn sida:- Sheekh Abiikaar Sheekh Muxdaar, Sheekh Cabdirahman Sheekh Cumar, Sheekh Muhumad Sheekh Cabdirahman  Sheekh Cumar iyo qaar kale oo badan.
 
Mar labaad shacabka Soomaaliyeed, eheladii, qaraabaddii, asxaabtii, culumaa'udiinka Soomaliyeed iyo qarankaba, waxaan lenahay Ilahay samir iyo iimaan  hanaga wada siiyo dhammaanteyn marxuum Caaqil Koogaar, marxuumkana haka waraabiyo jannatul fardowsa. aamiin amiin aamiin.

  N.B.
Wixii Fah faahin dheeraad ah
 ee ku saabsan  arintaan  fadlan
kala xariir. Mohamed H. Nurow ( Abdulle)
Abdulle_02@hotmail.com
Phoenix AZ.
 
  Wabillaahi Towfiiq.
Qore: Mohamoud Ghedi Aw Hilowle
Jowhar53@hotmail.com
Rochester, MN.